काँग्रेस प्रवेश गर्न लागेकी माओवादी पूर्व सांसद् दोस्रो पटक अपहरणमा

काँग्रेस प्रवेश गर्न लागेकी माओवादी पूर्व सांसद् दोस्रो पटक अपहरणमा

कार्तिक २४ शुक्रबार
 
पूर्व सा‌ंसद् खुना (दाहिनेबाट दोस्रो स्थानमा) केही समय अघि एक कार्यक्रममा (तस्वीर फाइल)

कञ्चनपुर । नेपाली कांग्रेस प्रवेश गर्न दोस्रोपटक प्रयास गरेकी नेकपा माओवादी केन्द्रकी पूर्व सांसद दुर्गा खुनालाई भातृ संगठन वाइसीएलले रोकेको छ । उनी निकट स्रोतका अनुसार यसअघि पहिलो चरणको मनोनयन दर्ताकै बेला कांग्रेसमा प्रवेश गर्न खोजेकी थिइन् । त्यतिबेला पार्टी प्रवेश गर्न लागेको थाहा पाएर खुनालाई वाइसीएलकै कार्यकर्ताले उठाएर एक हप्ता वेपत्ता पारेका थिए । उनलाई तत्कालिन गृहमन्त्री जनार्दन शर्माका पीए एवं वाइसीएल नेता नवराज ऐरी, माओवादी नेता टेकेन्द्र भट्ट, महेश जोशी लगायतको निर्देशनमा सम्पर्क विहिन बनाइएको थियो । 

फेरि सम्पर्कमा आई कांग्रेसका प्रभावशाली नेता एवं क्षेत्र नम्बर २ का उम्मेदवार एनपी साउदको हातबाट टिका लगाएर पार्टी प्रवेश गर्ने तयारीमा रहेकी खुनालाई दोस्रोपटक विहिबार वाईसीएलका केटाहरुले उठाएर लगे । कञ्चनपुरको कृष्णपुर नगरपालिका २ का एक चौधरी थरका स्थानीयका अनुसार खुना पार्टी प्रवेश गर्न भनेर बंक शिविरमा बडघर सम्मेलन राखिएको थियो । उनी त्यहाँ उपस्थित थिइन् । 

उनलाई पार्टी प्रवेश गराउन एनपी आउँदै थिए । यही बीचमा तपाईसँग काम छ केही युवा आएर उनलाई गाडीमा हालेर लगे । पछि उनीहरु वाईसीएलका कार्यकर्ता भएको खुल्यो । उनीहरुले खुनालाई माओवादी नेताकहाँ लगेर गए । नेताहरुले उनलाई चुनावको मुखमा पार्टी परिवर्तन नगर्न चेतावनी दिँदै पार्टीलाई नकारात्मक प्रभाव पर्ने काम नगर्न चेतावनी दिए । यसरी चेतावनी दिनेमा जनार्दन शर्माका पीए नवराज ऐरी, जिल्लाका नेता टेकेन्द्र भट्ट लगायत थिए । 

जनयुद्ध कालमा जबरजस्ती गर्ने माओवादी कार्यकर्ता अहिले पनि सच्चिएका छैनन् भन्ने उदाहरण बनेको छ यो घटना । लोकतन्त्र र गणतन्त्रको कुरा गरेपनि माओवादी र वाइसीएलहरुले पार्टीको नाममा व्यक्तिको स्वतन्त्रतालाई यसरी हनन गरिरहेका छन् । पूर्व सभासद् खुना एमाओवादीबाट २०६४ सालमा संविधानसभा सदस्य थिइन् ।
 

 

radio programs

View All
  • On air आजको कुरा -by
  • up next आजको खबर -by